Ministri i Mbrojtjes, Armend Mehaj, ka njoftuar se FSK-së do t’i shtohen operatorë snajperistë profesionistë.
Mehaj ka shkruar në llogarinë e tij në Facebook se përmes se trajnimi i snajperistëve të FSK-së po bëhet me Forcat e Operacioneve Speciale jordane.
“Shtohen operatorët snajperistë profesionist në radhët tona. Komandot tona nga Njësia e Operacioneve Speciale janë duke ndjekur trajnimin specialistik për operim me snajper në Jordani me kolegët e Forcat e Operacioneve Speciale të vendit nikoqir”, – ka shkruar Mehaj.
Ministri ka shprehur mirënjohje për shtetin jordanez për mundësinë që i ka dhënë komandove të FSK-së.
“Mirënjohje për mundësinë e ofruar partnerëve jordanez dhe suksese të mëtejme komandove tona! Vazhdojmë drejt sukseseve të radhës!”, – ka shkruar tutje Mehaj.
