Presidentja e Kosovës, Vjosa Osmani ka reaguar pas vrasjes së nëj gruaje në Pejë.
Duke folur në organizimin opër inciativën “Thinking of you”, ajo tha se ky femicid i cili ka marrë përmasa të jashtëzakonshme duhet të ndalet, shkruan Arbresh.info.
“Ky fenomen i tmerrshëm që po e plagos shoqërinë dhe shtetin tonë, ky femicid i cili për fat të keq ka marrë përmasa të jashtëzakonshme duhet të ndalet me çdo kusht dhe mënyra e vetme për ta ndalur atë është në qoftë se rizgjohemi të gjithë si shoqëri, si shtet e si komb, rizgjohemi të gjithë në këmbë kundër këtij fenomeni sepse nuk kemi jetë vajzash, grash për të humbur”, ka thënë ajo.
Tutje ajo u ka bërë thirrje aktivistëvë të shoqërisë civile, institucioneve të sigurisë dhe të drejtësisë, qytetarë, gra e burra bashkë të ndalin dhunën në baza gjinore.
“E kemi detyrë gjithsecili prej nesh që ta luftojmë këtë fenomen dhe ti mbrojmë vajzat dhe gratë dhe t’i mbrojmë gjithë qytetarët e vendit tonë”, tha ajo.
Ndryshe, dorasi dyshohet se është bashkëshorti i viktimës.
Ai është arrestuar.
