Deputetëve e VV-së sërish janë pozicionuar kundër Rezolutës së PDK-së për mbështetjen e Policisë së Kosovës.
Ata sot kanë bojkotuar seancën e jashtëzakonshme të Kuvendit të Kosovës, të thirrur nga opozita, ku ishte paraparë shqyrtimin e draft-rezolutës për Policinë e Kosovës.
Refuzimin e deputetëve të VV-së për të marrë pjesë në këtë seancë ka bërë që seanca të dështoi.
Gazeta Nacionale ka siguruar draft-rezolutën e PDK-së, e cila përmban katër pika.
Dokumenti obligon Qeverinë e Kosovës që brenda disa afateve Qeveria të ua plotësoj disa kushte policisë.
“Obligon Qeverinë e Republikës së Kosovës që brenda afatit 15 ditë nga miratimi i kësaj rezolute, të bëjë ndarjen e mjeteve të nevojshme financiare për pagesën e shtesës së rrezikshmërisë për Policinë e Kosovës dhe atë, në mënyre retroaktive nga dita e hyrjes në fuqi të Ligjit për Pagat në Sektorin Publikë(për secilin muaj)”, thuhet në pikën e parë të draft-rezolutës.
Në piken e tretë, dokumenti flet sigurimin shëndetësor të policisë.
“Obligon Qeverinë e Republikës së Kosovës që të propozoj buxhetin e nevojshëm – për vitin e ri fiskal 2024, për mbulimin e pagesës së sigurimit shëndetësor për të gjithë zyrtarët policorë të Republikës së Kosovës, nga data 1 janar 2024”, thuhet në piken e dytë të dokumentit.
Më tej, rezoluta kërkon që brenda dy muajve të miratohet edhe Projektligjit për Pensionin të Parakohshëm.
“Obligon Qeverinë e Republikës së Kosovës që brenda afatit 60 ditore nga miratimi i kësaj rezolute, të marrë nismën për hartimin, propozimin dhe miratimin e Projektligjit për Pensionin të Parakohshëm të zyrtarëve policorë të Policisë së Kosovës dhe punonjësit e Inspektoratit”, thuhet në piken tre.
Ndërsa, në piken katër kërkohet që miratimi i dy ligjeve të bëhet në mënyrë të përshpejtuar.
“Zotohet që shqyrtimin parlament të projektligji nga pika 3 e kësaj rezolute, ta bëjë në procedurë të përshpejtuar në pajtim me rregullat e punës së Kuvendit”, thuhet në pikën katër të rezolutës.
Opozita e kritikon VV-në
Deputetët e LDK-së dhe AAK-së e kanë përkrahur rezolutës e PDK-së.
Deputetët e opozitës e kanë kritikuar ashpër veprimin e sotme të VV-së për të bojkotuar seancën.
Shefi i Grupit Parlament të PDK-së, Abelard Tahiri, ka kritikuar ashpër VV-në për bojkotimin e seancës/
Në adresimin e tij, Tahiri ka thënë se veprimi i VV-së është i turpshëm.
Sipas tij, në këtë ditë spektri politik do të duhej të ishte unik.
“Sot vendi ynë më shumë se kurrë do të duhej me tregu unitet për Policinë e Kosovës. I kemi në vijën e parë të frontit , janë njerëzit e parë që jetën e tyre e vejnë në rrezik ashtu siç ndodhi me Afrim Bunjakun. Andaj, me nejtë duarkryq dhe me i ikë një seance të tillë sot për mbështetjen e Policisë së Kosovës, siç po e shihni këtë sallë boshe nga VV, është turp i madh”, ka thënë Tahiri.
Deputeti i LDK-së, Armend Zemaj, ka drejtuar kritika të ashpra për VV-në, e cila sot ka bojkotuar seancën e jashtëzakonshme të Kuvendit që është thirrur nga opozita.
Ai ka kërkuar që seanca të vazhdojë edhe pa deputetë e VV-së.
“Përtej asaj që i japim përkrahje kësaj Rezolute duhet të përdorim edhe mekanizma të tjerë ligjor, duke kërkuar plotësim-ndryshimin e Ligjit për Policinë e Kosovës dhe të fillojë të bëhet edhe pjesë obligative e kësaj Rezolute pra të plotësohet. Po ashtu, edhe Ligji i Pagave nëse nuk kanë ndonjë vendim të shpejtë të Gjykatës Kushtetuese, atëherë propozojë që debati të zhvillohet, deputetët ta thonë fjalën e tyre dhe për vendimmarrje ne do t’i presim kudo dhe kurdo që shumica parlamentare e thërret ndërgjegjja që të jetë jo vetëm me fjalë boshe dhe retorika ashtu siç po e shohim, por të jetë edhe me votë kundër ashtu siç është dëshmuar javën e kaluar”, ka thënë Zemaj.
Para fillimit të seancës, Grupi Parlamentar i Vetëvendosjes kanë bërë të ditur se nuk do të marrin pjesë në seancë.
Në një konferencë për media, shefja e Grupit Parlament të VV-së, Mimoza Kusari-Lila, ka akuzuar PDK-në për nismën e kësaj rezolute.
“Vlerësojmë se tendenca e PDK-së dhe AAK-së, që nuk votojnë asgjë në Kuvendin e Kosovës, nuk ka të bëjë me gjendjen apo statusin e PK, por me arsyetimin dhe argumentimin e tyre se kinse qeveria nuk është e angazhuar sa duhet dhe synimi i tyre i vetëm është pushteti dhe jo interesi i shtetit.” – ka thënë ajo.
