Një rast i rëndë ka ndodhur sot rreth orës 12:50 në rrugën “Lekë Dukagjini” në Pejë.
Policia në rajonin e Pejës e konfirmon se në parkingun e “Viva Fresh” është gjetur një person i shtrirë.
Me tu informuar lidhur me rastin, Policia ka dalë në vendin e ngjarjes dhe ka marrë masat e nevojshme.
Sipas zëdhënësit të Policisë në Pejë, Fadil Gashi mjeku ka konstatuar vdekjen e viktimës.
“Rreth orës 12:50 policia është njoftuar se në rrugën “Lekë Dukagjini”, në Pejë, në parkingun e një qendre tregtare është një person i shtrirë. Policia dhe emergjenca e QMF-së kanë dalë në vendin e ngjarjes, mjeku e ka konstatuar vdekjen e viktimës”, tha Gashi.
