Mirushe Lohaj, motra e gruas që u vra sonte në QKUK thotë se autoritetet kanë qenë të njoftuara për shkurorëzimin e 35-vjeçares.
Një 35-vjeçare nga Lipjani është vrarë më 30 nëntor në oborrin e Qendrës Klinike Universitare të Kosovës.
Gruaja me inicialet H.M. dyshohet se u vra në oborrin para Klinikës së Gjinekologjisë derisa kishte dalë për një shëtitje.
Motra e viktimës thotë se Policia ka qenë në dijeni për gjendjen e gruas.
“Policia ka qenë në dijeni se motra është ndarë që katër muaj. Edhe sociali e ka ditur gjendjen e saj”.
Ajo thotë se vjehrra i ka kërkuar asaj motrës herë të kthehet te ish-bashkëshorti.
“Motra i ka thënë vjehrrës se askush nuk i ka marrë në qafë pos djalit tuaj [për ndarjen]”, ka deklaruar për RTV Dukagjinin, motra e viktimës, Mirushe Lohaj.
