Policia angleze ka akuzuar një burrë për shkelje të rendit publik, pasi tentoi të sulmonte arkivolin e mbretëreshës Elizabeth II në Westminster Hall.
Muhammad Khan, 28 vjeç, nga Barleycorn Way, Tower Hamlets, u arrestua në Westminster Hall të premten, më 16 shtator.
Ai u akuzua sipas nenit 4A të Ligjit për Rendin Publik për sjellje që synon të shkaktojë alarm, ngacmim ose shqetësim.
Ai do të paraqitet në paraburgim në Gjykatën e Magjistraturës së Westminsterit të hënën, 19 shtator – ditën e funeralit shtetëror të Mbretëreshës.
Dëshmitarët okularë raportuan se kishin parë një burrë që sillej çuditshëm, pasi kishte pritur 14 orë për t’u afruar mjaftueshëm me arkivolin e mbretëreshës së ndjerë.
