Kreu i PDK-së, Memli Krasniqi, po qëndron për një vizitë zyrtare në Bruksel. Ai këtë vizitë e ka nisur duke marrë pjesë në një organizim për Ballkanin Perëndimor nga grupi liberal i Parlamentit Evropian “Renew Europe”, shkruan Express.
Krasniqi në këtë tryezë diskutimi ka thënë se paqja deh siguria e rajonit janë në interesin e përbashkët të Kosovës dhe BE-së dhe se në këtë proces është e rëndësishme që Kosova dhe Serbia të arrijnë një marrëveshje finale me njohjen reciproke në qendër.
Kreu i PDK-së ka kërkuar gjithashtu se BE-ja duhet t’ia heqë masat Kosovës sa më parë.
Njoftimi i plotë:
Vizitën zyrtare në Bruksel e nisa me pjesëmarrjen në tryezën për Ballkanin Perendimor, organizuar nga grupi politik liberal i Parlamentit Evropian, Renew Europe.
Pata kënaqësinë që, në margjinat e takimit, të diskutoj dhe të shkëmbej qëndrime të vlefshme me Ilhan Kyuchyuk, Bashkë-presidentin e ALDE, Stéphane Séjourné, President i Reneë Europe dhe Janez Lenarçiç, Komisionerin Evropian për Menaxhimin e Krizave.
Paqja, siguria dhe stabiliteti rajonal janë interes i përbashkët i Kosovës dhe BE-së. Në këtë proces, është tejet e rëndësishme që Kosova dhe Serbia të arrijnë një marrëveshje përfundimtare, me njohjen e ndërsjellë në qendër.
Po ashtu, ritheksova qëndrimin se BE duhet të heqë sa më parë masat e padrejta ndaj Kosovës. PDK është mirënjohëse ndaj aleatëve ndërkombëtarë për mbështetjen e vazhdueshme ndaj shtetit tonë.
