Kreshnik Avdiu, një kompozitor, artist dhe psikolog i njohur, ka ndarë përvojën e tij të veçantë gjatë një interviste në podcastin “Dheze Mikrofonin” me Bini Diez.
Gjatë bisedës, ai zbuloi detajet e bashkëpunimit të tij me artistin e suksesshëm Gold AG për krijimin e ilahisë “Mirupafshim Oj Medine”, shkruan Neutral Bizz.
Avdiu tregoi se ideja për këtë ilahi u lind gjatë një vizite të përbashkët në vendet e shenjta, përfshirë Medinën dhe Mekën. Ai ndau se kjo përvojë frymëzuese e ka prekur thellësisht, duke e shtyrë të bashkojë forcat me Gold AG për të krijuar një projekt të veçantë që të reflektojë këtë udhëtim shpirtëror.
Gjatë qëndrimit në këto vende të shenjta, Avdiu tha se është lutur për të gjithë shqiptarët dhe për të mirën e secilit. Kjo përvojë, sipas tij, ishte thelbësore për krijimin e një ilahie që pasqyron emocione të fuqishme dhe devocion të thellë.
Intervista e Avdiut në podcastin “Dheze Mikrofonin” është një dëshmi e rëndësisë së këtij bashkëpunimi, që ka sjellë një prej projekteve më të rëndësishme të tij dhe të Gold AG, duke pasqyruar ndjenjat dhe vlerat e tyre të përbashkëta.
E shumë detaje tjera ai ndanë në Podcastin Dheze Mikrofonin me Bini Diez!
Shiko këtu:
