Enët e gjakut janë një pjesë e rëndësishme e sistemit kardiovaskular. Gjaku rrjedh nëpër to, duke furnizuar të gjitha organet me substanca të dobishme. Në mënyrë që ato të punojnë sa më mirë dhe të ruajnë shëndetin e tyre, është e rëndësishme t’i mbani në gjendje të mirë.
Gjëja e parë që mund të bëjmë është të shtojmë në meny ushqime të dobishme për zemrën dhe enët e gjakut, shkruan Index.hr, transmeton Klankosova.tv. Sipas studimeve, ky ushqim përfshin manaferrat.
Është një frut që përmban fibra të tretshme që ulin nivelin e kolesterolit të keq në gjak. Përveç kësaj, manaferrat përmbajnë përbërës që përmirësojnë shtresën e brendshme të enëve të gjakut.
Një filxhan me manaferra përmban 62 kalori, dy gram proteina, më pak se një gram yndyrë, 14 gram karbohidrate, tetë gram fibra dhe shtatë gram sheqer. Ka edhe vitamina C, E dhe K dhe mangan.
Konsumimi i rregullt i manaferrave mund të zvogëlojë rrezikun e zhvillimit të aterosklerozës dhe qarkullimi i gjakut do të përmirësohet disa herë. Prania e kaliumit në manaferra ndikon në normalizimin e presionit të gjakut. Ky është një faktor i rëndësishëm për sigurimin e shëndetit të sistemit kardiovaskular.
Manaferra ia detyrojnë ngjyrën e tyre specifike antioksidantit anthocyanin. Dihet se ushqimet e pasura me antioksidantë reduktojnë rrezikun e kancerit dhe rrezikun e sëmundjeve kardiovaskulare.
