Ditën e sotme parashikohet të mbajë mot me diell dhe vranësira të pakta gjatë ditës, njofton Meteo Kosova.
Gradualisht do të kemi depërtimin e masave më të ftohta ajrore. Në zonat malore mund të ketë ndonjë reshje të izoluar, kryesisht në jug dhe perëndim të vendit.
Si pasojë e temperaturave të larta, këshillohet të keni kujdes nëse qëndroni jashtë për periudha të gjata kohore.
Temperaturat do shënojnë ngritje, me minimale që do të lëvizin prej 13 deri në 16°C, ndërsa ato maksimale prej 34 deri në 36°C.
Era do fryjë nga drejtimi i veriut, e cila kohë pas kohe pritet të jetë e fuqishme, me shpejtësi prej 16-46 km/h.
