Deputetit të VV-së, Dimal Basha, nuk i ka pëlqyer distancimi i gazetarëve të RTK-së nga raportimi i këtij mediumi.
Basha ofendon gazetarët të cilët kanë dalë kundër raportimit të RTK-së, duke pretenduar që “nuk kanë standard”.
“Reagimet janë ok, kur ki standard, por kurrë zëri s’ju ka dëgju për 100 mijë dallavere brenda RTK-së me dekada me radhë, e tash mrena ditës qenkeni bë parimorë sepse e paska përkthy RTK një lajm që s’po ju pëlqen juve” – ka shkruar ndër të tjera ai.
Ndryshe, Basha publikoi dje lajmin e mediumit boshnjak, i cili u përkthy nga RTK.
Shkrimi i Bashës:
Disa gazetarë të RTK-së qenkan solidarizu me Berat Buzhalën, sepse mediumi i tyre e paska përkthy një publikim nga një gazetë boshnjake!
A ka mundësi me na tregu sa herë keni reagu kur RTK bënte lajme për Martinin me trillimet e Buzhalës, që e mirrte për burim një portal me pronar qe ishte dënu për shpifje në Slloveni? Apo atëherë ishit ok se sulmohej Qeveria Kurti, e sot keni ndjeshmëti më shumë se lajmi pe akuzon Buzhalën?
A bën me ua pa juve parimorëve statusat kur kolegët e juaj ua bëjshin ‘me sy’ pushteteve të kaluara?
E ndonjë status kur RTK-ja shkonte në falimentim prej mbipunësimeve, apo atëherë nuk keni pas vërejtje, se ju kanë fluturu për veshi jashtë me çel gojën?
Reagimet janë ok, kur ki standard, por kurrë zëri s’ju ka dëgju për 100 mijë dallavere brenda RTK-së me dekada me radhë, e tash mrena ditës qenkeni bë parimorë sepse e paska përkthy RTK një lajm që s’po ju pëlqen juve!
