Pesë punëtorë të fermës së shpendëve në Kolorado janë diagnostikuar me grip të shpendëve, njoftuan zyrtarët e shëndetësisë shtetërore.
Të gjitha infeksionet ishin relativisht të lehta, ata manifestuan simptoma si sy të irrituar e të skuqur, ethe, të dridhura, kollë, dhimbje të fytit dhe rrjedhje hundësh. Asnjë nga pacientët nuk është shtruar në spital, thanë zyrtarët e Kolorados.
Ndërsa rreziku për publikun mbetet i ulët, “siç mësojmë më shumë, ne do të vazhdojmë të vlerësojmë situatën dhe të ofrojmë përditësime,” shtoi Qendra për Kontrollin dhe Parandalimin e Sëmundjeve në SHBA (CDC).
“Këto rezultate paraprake përsëri nënvizojnë rrezikun e ekspozimit ndaj kafshëve të infektuara. Nuk ka shenja të rritjes së papritur të aktivitetit të gripit përndryshe në Kolorado, ose në shtete të tjera të prekura nga shpërthimet e gripit të shpendëve H5[N1] te lopët dhe shpendët”.
