Ai zakonisht konsumohet i pjekur në skara të vogla, ndërsa në stinët më të ftohta zihet dhe serviret i lyer lehtë me gjalpë.
Megjithatë, siç mund ta keni vënë re, një pjesë e madhe e misrave nuk tretet dot në stomak dhe arsyen e gjeni më poshtë duke lexuar në AgroWeb.org
Arsyet Përse Trupi Nuk e Tret Misrin
Misri përmban niseshte e cila kur drithi nuk është i bluar nuk tretet në stomak.
Në shumicën e rasteve, kur misri nuk përtypet mirë por thjesht gëlltitet kalon në aparatin tretës por del prej tij në formë të plotë.
Niseshteja e misrit është shumë rezistence njësoj si fibra tek disa fruta dhe perime.
Ekspertët thonë se fakti që kokrrat e misirt nuk treten në stomak është diçka pozitive.
Vlerat e Misri Për Shëndetin
Misri ofron një larmi vlerash për shëndetin e njeriut.
Ai përmban vitaminat B dhe C, së bashku me magnezin dhe kaliumin.
Misri ka më pak sheqer se molla
Misri i verdhë është i ëmbël, ndaj supozohet të ketë shumë sheqer.
Një kalli misër përmban të njëjtat kalori sa molla por më pak se një të katërtën e sasisë së sheqerit.
Ushqim për Mikrobiomën e Stomakut
Misri i verdhë ka sasi të larta të fibrës së patretshme që u bën mirë baktereve të mira në stomak dhe i ushqen ato.
Nuk Përmban Gluten
Shumë njerëz kanë tolerancë të kufizuar ndaj glutenit. Misri i verdhë nuk përmban gluten.
Në formën e miellit, misri përdoret për përgatitjen e makaronave pa gluten, një variant më i shëndetshëm në krahasim me alternativat e tjera.
Pasuri Fibrash
Shumica prej nesh kemi mungesë fibrash në organizëm. Si çdo perime tjetër, misri i verdhë është burim i jashtëzakonshëm fibrash që i bëjnë mirë sistemit tretës.
Përzgjidhni misrat në kallinj të mirëformuar me gjethe me ngjyrë të gjelbër dhe mustaqe të arta.
Informohuni për kohën e mbledhjes së kallinjve të misrit dhe blini vetëm ata që janë të freskët.
Kjo sepse me kalimin e kohës, kokrrat e misrit e transformojnë sheqerin në niseshte dhe humbasin ëmbëlsinë e tyre dhe shijen e lëngshme.
