Kryeministri i vendit, Albin Kurti sot do të zhvillojë një vizitë pune në Maqedoninë e Veriut ku do të takojë edhe homologun e tij maqedonas, Hristijan Mickoski.
Zëdhënësi i Qeverisë, Përparim Kryeziu për Arbresh.info ka bërë të ditur se në këtë takim do të diskutojnë rreth raporteve bilaterale, bashkëpunimit rajonal dhe projektet infrastrukturore me interes për dy shtetet.
“Kryeministri Kurti, i shoqëruar nga ministra të kabinetit qeveritar, të hënën do të zhvillojë një vizitë pune në Maqedoninë e Veriut. Atje do të ketë një takim bilateral me kryeministrin e Maqedonisë së Veriut me të cilin do të diskutojnë rreth raporteve bilaterale, bashkëpunimit rajonal dhe projektet infrastrukturore me interes për dy shtetet. Realizimi i kësaj vizite është dakorduar me 20 korrik.”, thuhet në përgjigjen e tij.
