Komuna e Mitrovicës së Veriut organizon sot një takim dhe bashkëbisedim me qytetarë, aktivistë të shoqërisë civile dhe përfaqësues të mediave lokale me temën “Bashkëpunimi ndëretnik, këshillim komunal për siguri në bashkësi, bashkëpunimi në mes të institucioneve dhe shoqërisë civile”.
Në këtë tubim, përveç kryetarit të kësaj komune, Erden Atiq do të marrin pjesë edhe Ministri i Pushtetit Lokal, Elbert Krasniqi, zëvendësdrejtori i Policisë për veriun, Veton Elshani e zyrtar nga Ministria e Punëve të Brendshme.
Ndërsa, të mërkurën, kryeministri Albin Kurti ka ftuar qytetarët serb që të marrin pjesë në këtë takim, ku pritet të diskutohet për përfitimet e hapjes së Urës së Ibrit.
Takimi është paraparë të nis nga ora 11:00 dhe mbahet në Kuvendin Komunal të Mitrovicës së Veriut.
