Grabitjet e vjedhjet nëpër shtëpi e banesa përveç që po sjellin humbje të mëdha, po shkaktojnë edhe pasiguri e ankth te qytetarët.
Mbrëmë fshati Zhegër i Gjilanit ishte pre e dy grabitje të rënda ku si pasojë u vodhën para të gatshme e stoli ari në vlerë mijëra euro.
Dy qytetarë kanë njoftuar Policinë e Kosovës se hajnat i vodhën atyre gjësende si stoli dhe para të gatshme gjersa personat nuk ndodheshin në shtëpi.
Te rasti i parë, hajnat vodhën 10 mijë franga para të gatshme dhe stoli me vlerë deri në 10 mijë euro.
Kurse, tek shtëpia e personit tjetër, hajnat vodhën 6 mijë euro para të gatshme, stoli dhe një armë me leje.
