Zëvendëskryeministri shqiptar në Qeverinë e Malit të Zi, Nik Gjeloshaj, ka thënë se qëndrimi zyrtar i tyre për Kosovën nuk ka ndryshuar.
“Mandati i deputetit është i pavarur ashtu siç është i qartë qëndrimi zyrtar i Qeverisë së Malit të Zi – Kosova është e pavarur dhe si e tillë partner dhe fqinj i besueshëm me të cilin ndajmë vlerat tona evropiane dhe euroatlantike”, ka thënë Gjeloshaj sipas një grafike të publikuar nga qeveria malazeze, transmeton KlanKosova.tv.
Ndërkohë, Mali i Zi, është shtet i cili ka votuar kundër raportit të Dora Bakoyaniss për pranimin e Kosovës në Këshillin e Evropës.
Kundër gjithashtu kanë qenë edhe Serbia dhe Bosnja e Hercegovina.
