Një zyrtar i gjendjes civile në Komunën e Mamushës është arrestuar nën dyshimin se ua kishte mundësuar disa personave ta fitonin nënshtetësinë në mënyrë të jashtëligjshme gjatë vitit të kaluar.
Prokuroria Themelore në Prizren ka njoftuar se i dyshuari M.S., është ndaluar në kohëzgjatje prej 48 orëve, për shkak të dyshimit se i njëjti ka kryer veprën penale “Keqpërdorimi i pozitës apo autoritetit zyrtar”.
I dyshuari i ka ndihmuar personat në fjalë të regjistrohen në regjistrin civil kosovar dhe pastaj ta fitojnë shtetësinë pa qenë fare të pranishëm në Kosovë gjatë procesit.
“Dyshohet se i njëjti, duke shfrytëzuar pozitën e tij zyrtare u ka mundësuar disa personave – shtetas të huaj turq, fitimin e shtetësisë së Republikës së Kosovës, pa përfillur procedurat ligjore për fitimin e shtetësisë.”
