Në botën e showbiz-it, një zhvillim i ri ka tronditur skenën muzikore. Jetmir Agaj, menaxheri i njohur i shumë artistëve në estradën shqiptare sikurse Luiz Ejlli, Bardhi Idrizi, së fundmi ka marrë në menaxhim këngëtarin e talentuar Kidda, shkruan Neutral Bizz.
Ky bashkëpunim pritet të sjellë një erë të re dhe projekte të jashtëzakonshme për adhuruesit e muzikës.
Jetmir Agaj, i njohur për punën e tij me artistët më të mëdhenj të rajonit dhe për kontributin e tij të madh në industrinë muzikore, ka një karrierë të gjatë dhe të respektuar. Menaxhimi i Kidda-s është një hap strategjik që pritet të rrisë më tej suksesin e këngëtarit dhe të sjellë risi në tregun muzikor.
Kidda, i cili ka bërë bujë me këngët e tij të suksesshme dhe stilin e tij unik, është entuziast për këtë bashkëpunim të ri, duke rikujtuar këngën e tij e cila bëri bujë dhe vazhdon të ndëgjohet edhe sot, “Malli”.
Jetmir Agaj dhe Kidda janë gati për të pushtuar skenën muzikore me energjinë dhe kreativitetin e tyre të pandalshëm. Mbetet për t’u parë se cilat projekte të reja do të sjellin dhe si do të ndikojnë në skenën muzikore shqiptare dhe më gjerë/ Neutral Bizz.
