Në Barometrin e Euronews Albania, ku u bënë bashkë për herë të parë në një studim të përbashkët qytetarë në Shqipëri dhe në Kosovë, anketa e fundit është munduar të kuptojë shkëmbimet që qytetarët kanë me njëri tjetrin në të dy vendet.-
Pyetja e parë ka dashur të kuptojë lëvizjet dhe vizitat reciproke në të dy vendet.
Pyetjes “Kur ka qenë hera e fundit që keni vizituar Kosovën /Shqipërinë i janë përgjigjur 2065 qytetarë në të dy anët e kufirit dhe nga përgjigjet rezulton se janë në shumicë shqiptarët e Shqipërisë që nuk kane vizituar Kosovën në krahasim me shqiptarët e Kosovës, Shqipërinë, raporton euronews.al, transmeton Klankosova.tv..
Janë 50,4 për qind e të anketuarve në Shqipëri që kanë zgjedhur të përgjigjen “asnjëherë“ në këtë pyetje dhe vetëm 10 ,7 për qind e të pyeturve në Kosovë kanë zgjedhur të përgjigjen “asnjëherë” në këtë pyetje.
Nga sa duket edhe nga shifrat, është e qartë se lëvizjet e qytetarëve nuk janë edhe aq të shpeshta, sepse opsionin që të kenë vizituar vendet respektive në tre muajt e fundit e kanë zgjedhur si përgjigje vetëm 5.5 për qind e shqiptarëve në Shqipëri dhe 10.4 për qind e qytetarëve në Kosovë.
Ata që kanë bërë vizita në 6-12 muajt e fundit janë 9.7 për qind shqiptarë në Shqipëri dhe 31.6 për qind e të pyeturve në Kosovë.
