Pamjet e zjarrit tregojnë shtëllunga të dendura tymi të zi ndërsa disa shoferë vrapojnë drejt vendit të ngjarjes për të shpëtuar automjetet e tyre.
Zjarri shpërtheu në parkingun e improvizuar të Robinson Ranch në Teksas rreth orës 13:00, gjatë festivalit vjetor të vjeshtës që tërhoqi qindra njerëz.
Shefi lokal i zjarrfikësve, Chris Malstead tha se shkaku i zjarrit ende nuk është konfirmuar, por ai beson se zjarri mund të jetë shkaktuar nga një cigare, e cila ai thotë se ishte “hedhur në mënyrë të gabuar” në parkingun me bar.
Zjarrfikësit lokalë kanë arritur ta shuajnë zjarrin pas dy orësh e gjysmë dhe më e rëndësishmja është se në këtë incident nuk ka të lënduar.
Pamjet e zjarrit tregojnë shtëllunga të dendura tymi të zi ndërsa disa shoferë vrapojnë drejt vendit të ngjarjes për të shpëtuar automjetet e tyre.
Në një bisedë për mediat vendase, dëshmitarët e zjarrit thonë se ai u përhap me shpejtësi. Në fund u dogjën 73 vetura.
