Në fjalimin në dyvjetorin e marrjes së detyrës si kryeministër, Albin Kurti të mërkurën ka numëruar ato që i ka cilësuar si pengesa në punën e Qeverisë që ai udhëheq dhe sukseset që ka thënë se janë arritur.
Në mesin e pengesave ai ka numëruar pandeminë, telashet me furnizim me vaksina, krizën energjetike e krizën ekonomike pas nisjes së luftës në Ukrainë.
Pavarësisht këtyre, ai ka thënë se ka pasur suksese të qeverisjes, duke përmendur vaksinimin e shpejtë e rritjen ekonomike.
Shefi i Ekzekutivit ka përmendur këtu edhe subvencionimin e faturave të rrymës e “disa masa të punësimit”.
“Nesër në këtë kohë bëhen dy vjet nga dita e parë e shërbimit tonë. Shpresa për më mirë dhe besimi që ajo mund të arrihet janë edhe shkaku edhe arsyeja se pse ne jemi këtu. Të zgjedhurit e popullit, për të bërë ndryshimin me një kabinet të përzgjedhur për të realizuar potencialin. Sot pandemia COVID-19 për shumë prej nesh edhe mund të na duket si një kujtim i largët, por është dhembja për humbjen e familjarëve e miqve që na kujton rrezikun që kemi jetuar vetëm dy vjet më parë. Dy vjet më parë, në mars të vitit 2021, për fat të keq të qytetarët tanë, Kosova nuk kishte asnjë kontratë për vaksina. E tillë ishte e vetmja në rajon pasi Qeveria paraprake kishte dështuar t’i sigurojë ato. Virusi Korona ishte shkaktuar i krizës globale, mbyllja që ishte për të menaxhuar shkallën e shpërndarjes kishin ulur edhe aktivitetin ekonomik”, tha Kurti.
Kryeministri Kurti theksoi se ekonomia botërore praktikisht pauzoi dhe qytetarët të mbyllur e kishin të pasigurt të ardhmen e tyre.
“Në vrap për të nxënë hapin, të vërshuar nga kërkesat e treguar ekonomitë e mëdha tregtuese kishin nevojë për më shumë konsum të energjisë-elektrike. Në fund të vitit 2021, kontinenti i Evropës po ballafaqohej me energji-elektrike, më pak energji në treg nënkuptonte rritje të çmimit. Fillimi i vitit 2022 përshkoi Evropën, por jo befasisht. Agresioni publik dhe diplomatik ndaj Ukrainës më 24 shkurt mori atë ushtarak-tradicional. Energjia elektrike qe mundëson prodhimin dhe nafta që mundëson transportin e produkteve të prodhuara njëra në fillim e tjetra në fund të zhvillimit, ndikuan drejtpërdrejtë në inflacion. Në mungesë të kapaciteteve të mjaftueshme të gjenerimit të energjisë-elektrike dhe ndaj produkteve, zhveshi paturpësisht këtë qeverisje. Vendi kishte nevojë për rikthim, rikuperim e ringjallje. Qeverisë sonë iu deshën vetëm dy muaj, ku ndërruam dhe negociuam kontratën me Pffizer për vaksina. Siguruam 2 milionë sosh, bashkë me ndihmën dhe donacionet e partnerëve tanë. Përkundër vështirësive nga pandemia, kriza nga lufta në Ukrainë rritja mesatare ekonomike për këto dy vite ka qenë prej 7%, që ishte më e lartë se çdo rritje tjetër mesatare për dy vite tjera rresht që nga shpallja e pavarësisë. Buxhetit iu shtuan 760 milionë euro për dy vite, e ekonomisë 2.3 milionë euro”, tha Kurti.
Sipas tij, ky ishte rezultat i drejtpërdrejtë i qeverisjes së mirë, parandalimit të kontrabandës, formalizmit të punëtorëve dhe ngushtimit të hendekut.
“Në mbrojtje të qytetarëve, për mirëqenien e tyre. Për dy vjet ekzekutuam dy pako mbështetëse për ta, ku përfitoi pothuajse çdo familje e Republikës”, shtoi ai. /eo
/zëri/
