Gjatë ditës së sotme ka ndodhur një aksion i policisë rajonale rreth shkollave të Ferizajit.
Ky aksion ndodhi për shkak të informacioneve rreth dukurive negative, njofton Policia përmes një komunikate, shkruan gazeta Neutral.
Gjatë këtij aksioni u konfiskuan armë të ftohta si:
– Armë zjarri (pistoleta), pesë (5).
– Armë të gjata gjysmë automatike dy ( 2) ,
– Sasi e municionit,
– Thika , 40 copa, kryesisht të nxënësve të shkollave të mesme,
– Boksa metali, 10 copë, te nxënësit e shkollave të mesme,
– Mulli për bluarje të marihanës 6 copë,
– Shufra metali, 4 copë,
– Elektro shok, 1 copë.
Gjithashtu, 40 persona janë shoqëruar në Polici nën dyshimin se kanë përdorur narkotikë, ndërsa 20 të tjerë nën dyshimin se kanë shitur narkotikë.
