Një akt dhune është regjistruar në Kretë në një familje shqiptare.
Mësohet se një burrë rreth 50-vjeç identiteti i të cilit nuk është bërë publike për mediat ka rrahur mbesën e tij vetëm 2-vjeçare.
Sipas mediave greke denoncimi në polici për burrin nga Shqipëria është bërë nga një dëshmitar okular.
Dhuna ndaj të miturës ka ndodhur mesditën e së shtunës, kur 50-vjeçari ka goditur dhe shkelmuar mbesën e tij teksa ishin brenda një pastiçerie.
Policia ka mbërritur menjëherë në vendngjarje dhe ka arrestuar 50-vjeçarin, i cili tashmë ndodhet në paraburgim.
