Çmimet e naftës u rritën në fillim të tregtisë të hënën për shkak të vendimit të Arabisë Saudite dhe Rusisë, eksportuesit më të mëdhenj të naftës në botë, për vazhdimin e reduktimeve të tyre të prodhimit deri në fund të vitit.
Nafta e papërpunuar ndërkombëtare Brent u tregtua me 85,62 dollarë për fuçi në orën 10:41 të mëngjesit me orën lokale, një rritje prej 0,86% nga çmimi i mbylljes prej 84,89 dollarë për fuçi në seancën e mëparshme tregtare të premten.
Standardi amerikan West Texas Intermediate (WTI) tregtohej në të njëjtën kohë me 81,17 dollarë për fuçi, 0,82% më shumë nga mbyllja e së enjtes prej 80,51 dollarë për fuçi.
Me vendimin e Arabisë Saudite për të zbatuar një ulje shtesë të prodhimit prej 1 milion fuçi në ditë pas një reduktimi prej 500,000 fuçi në ditë deri në dhjetor 2024, prodhimi i naftës në vend pritet të jetë në nivelin e 9 milion fuçi deri në dhjetor të këtij viti.
Një ndër faktorët që rriti çmimet ishte dobësimi i dollarit amerikan, duke e bërë naftën e lidhur me dollarë më të lirë për investitorët në monedha të tjera, duke shkaktuar një rritje të kërkesës dhe çmimeve./AA
