Ish-kryeministri i Kosovës, njëherit deputeti i LDK-së, Avdullah Hoti ka thënë se procesi i dialogut mes Kosovës dhe Serbisë është degraduar që nga marsi i vitit 2021.
Në një postim në Facebook, Hoti ka thënë se gjatë ditëve në vijim do të shpalos me detaje dhe me fakte “evolimin” e Kurtit lidhur me dialogun që nga takimi i parë dhe i fundit.
Tutje ai ka thënë se vetë VV në vitin 2018 ka deklaruar se marrëveshja finale do të jetë përfundimtare, ligjërisht e obligueshme dhe me njohje reciproke.
Postimi:
Degradimi i dialogut gjatë Qeverisë Kurti
Nga viti 2018, kur Gjykata Kushtetuese e rrëzoi ligjin për dialog të Qeverisë Haradinaj, aleatët dhe forcat politike në Kosovë, përfshirë edhe partinë që sot është në pushtet, janë dakorduar dhe kanë krijuar konsensus se dialogu do të zhvillohet vetëm për marrëveshje:
1. PËRFUNDIMTARE – e jo të ndërmjetme;
2. LIGJËRISHT TË OBLIGUESHME – që ratifikohet në Kuvendet e të dyja vendeve;
3. ME GARANCI NDËRKOMBËTARE – ku BE dhe ShBA marrin zotimet për zbatim të marrëveshjes dhe për integrimin euro-atlantik të Kosovës;
4. PËR NORMALIZIM TË MARRËDHËNIEVE – ku adresohen të gjitha çështjet vetëm sipas standardeve evropiane të fqinjësisë së mirë; dhe
5. PËR NJOHJE RECIPROKE.
Çfarë ka ndodhur nga marsi 2021 e këndej? Përse u degradua dialogu në menaxhim të krizave dhe zbatim të asociacionit?
Në ditët në vijim do ta shpalosi në detaje dhe me fakte si ka “evoluar” Kurti lidhur me dialogun nga takimi i parë deri në takimin e fundit, nga koha kur bënte opozitë të dhunshme e deri sot kur është i gatshëm të zbatojë asociacionin dhe të trajtohet si pikë e veçantë statusi i kishës ortodokse serbe.
