Në shtëpinë e Big Brother VIP Albania, një ngjarje e re ka shkaktuar një valë të madhe reagimesh te banorët dhe te shikuesit.
Një debat që nisi si një bisedë e thjeshtë ndërmjet dy prej banoreve të njohura, astrologes Meri Shehu dhe prezantueses Roza Lati, u shndërrua shpejt në një përplasje me ofendime të rënda.
E gjithë kjo situatë ka kulmuar me atë që Roza Lati u pa duke qarë në dhomën e gjumit, pasi që sipas një tjetër banori, Juli, moderatorja ka marrë një vendim të rëndësishëm, por që ende mbetet i paqartë për të tjerët.
“Kam marrë një vendim tha, bëni çfarë të doni, kam marrë një vendim”, ishin fjalët që Roza la pas, të cilat nxitën kuriozitetin dhe spekulimet brenda shtëpisë.
Rikja, një tjetër konkurrentë në lojë, duke u përpjekur të interpretojë situatën, u shpreh se Roza është një person i fortë që nuk do të linte gjërat përgjysmë, por do t’i çonte deri në fund.
“Nuk do kishte kuptim, nuk mendoj se Roza është person që i lë gjërat përgjysmë, por i çon deri në fund. Këtë përshtypje kam,” u shpreh Rike.
Juli dhe Rike pastaj diskutuan për ndikimin që mjedisi i veçantë i Big Brother ka mbi ata që jetojnë brenda tij, duke theksuar se përshtypjet dhe reagimet brenda shtëpisë shpesh ndryshojnë nga ato të paraqitura në publik. Juli, duke reflektuar mbi një dialog të mëparshëm që pati me Rozën në një emision live, shprehu pendesën e tij për atë diskutim.
Mbetet për t’u parë se cili do të jetë impakti i vendimit të Roza Latit dhe si do të ndikojë kjo në dinamikën e lojës dhe marrëdhëniet ndërmjet banorëve.
