Burimet nga Veriu ka bërë me dije për Sinjalin se në disa objekte në këtë qytet janë hasur fotografi të terroristit Milan Radoiçiq, që janë shoqëruar me mbishkrime të ndryshme.
Posa Policia ka zbuluar se e njëjta fotografi bashkë me mbishkrimet ndodhen në disa lokacione, ka ndërmarrë veprimet e nevojshme.
Sipas sinjalizuesit, persona akoma të paidentifikuar, kanë lënë mbishkrime si “Ktheu Radoiçiq”, “Serbët s’mund të vuajnë më shumë” e të tjera, që dyshohet se kanë pasur për qëllim nxitje të përçarjes.
Pas përfundimit të procedurave, me vendim të prokurorit, është iniciuar hetim dhe është urdhëruar që të ndërmerren veprimet e nevojshme që të identifikohen të dyshuarit dhe të sigurohet prezenca e tyre.
Sinjali do të iu mbajë të informuar me detajet e reja.
