Një ngjarje e rëndë ka ndodhur sot në një familje në Prizren, ku djali 26-vjeçar, ka tentuar t’i jap fund jetës së tij.
Ngjarja ka ndodhur në orët e mbrëmjes, kur i riu tentoi t’i prej venat me një mjet të mprehtë, si pasojë e gjendjes së rëndë emocionale, raporton Sinjali.
Burimet brenda Emergjencës në Prizren bënë të ditur për Sinjalin se viktima u dërgua në këtë qendër nga familjarët e tij dhe fatmirësisht është jashtë rrezikut për jetë.
Pasi Policia është njoftuar nga Spitali Rajonal lidhur me rastin, ka shkuar në vendin e ngjarjes, ku ka marrë deklaratën e babait të 26-vjeçarit.
Dyshimet e para janë se i riu tentoi të bëjë vetëvrasje për shkak të depresionit, por që nuk dihet pse ka ardhur deri në këtë gjendje.
Me urdhër të Prokurorit të Shtetit kanë nisur hetimet për zbardhjen e rrethanave të ngjarje dhe është iniciuar rasti si ‘Vetëvrasje në tentativë’.
