Dy yjet e muzikës shqiptare, Donjeta Morina dhe Ardi Gashi, janë gati të lansojnë një projekt të përbashkët që pritet të sjellë një frymë të re në skenën muzikore, shkruan Neutral Bizz.
Këngëtarët, të cilët kanë arritur sukses të madh secili në karrierën e tij, po punojnë së bashku në një këngë që parashikohet të bëhet hiti i ardhshëm.
Producenti i njohur Bini Diez, i cili ka qenë pas disa prej hiteve më të mëdha shqiptare, është zgjedhur për të drejtuar produksionin e kësaj kënge. Me një ndjenjë të mprehtë për ritme që kapin vëmendjen dhe meloditë që mbeten në mendje, Bini Diez shihet si zgjedhja ideale për të sjellë magjinë e tij në këtë bashkëpunim.
Kënga, ende pa titull zyrtar, është parashikuar të lansohet shumë shpejt, dhe të gjithë janë në pritje të detajeve të mëtejshme që do të zbulohen në ditët në vijim. Fansat në rrjetet sociale tashmë kanë filluar të shprehin entuziazmin e tyre, me komente dhe ndarje të lajmit.
Ky bashkëpunim pritet jo vetëm të ndezë vëmendjen e publikut, por edhe të vendosë një standard të ri në industrinë muzikore shqipëtare, duke kombinuar inovacionin e Binit me energjinë dhe stilin unik të Donjetës dhe Ardit.
Kujtojmë se Donjeta është pothuajse gati të lansojë albumin e saj të ri, ku pritet të jetë një ngjyrim tjetër në estradën shqiptare/ Neutral Bizz.
