Blogerja Sara Hoxha, e njohur ndryshe edhe për lidhjen e saj me reperin e famshëm Ledri Vula, ka dhënë një deklaratë befasuese mbrëmjen e djeshme që ka ndriçuar statusin e marrëdhënies së tyre.
Pas spekulimeve të shumta dhe supozimeve që kanë qarkulluar rreth krisjes së marrëdhënies me partnerin e saj, Sara ka sqaruar pozicionin e saj në një intervistë në emisionin televiziv “Në Kurthin e Piter Pan”. Ajo është shprehur troç duke thënë se nuk ka qenë asnjëherë bashkëshortja e reperit Vula.
“S’kam qenë kurrë bashkëshortja e Ledri Vulës! Kam qenë partnerja e tij”, deklaroi Sara, duke hedhur dritë mbi një çështje që duket se ka shkaktuar keqkuptim në mesin e publikut dhe fansave të çiftit. Kjo deklaratë e prerë shënon një ndarje të qartë nga titujt zyrtarë dhe të njohur publikisht që zakonisht i shoqërojnë çiftet në jetën e tyre të përbashkët.
Kujtojmë se ish-çifti janë prindër të një vajze dhe se muajt e kaluar kanë qenë të mbushur me zëra dhe thashetheme mbi situatën dhe jetën e tyre private.
